Gleðilega páska!

Þá er páskafríið runnið upp. Ég hugsa að ég finni nú ekkert gríðarlega mikið fyrir því þar sem ba ritgerðir fara yfirleitt ekki í frí. Ég er heldur ekki í neinu fagi í skólanum núna og er því ekki að fá frí frá neinu. Reyndar ákváðum við Eva að vera aðeins rólegri um páskana en við höfum hingað til verið og því hyggst ég nýta páskana að einhverju leyti til að safna kröftum fyrir komandi átök – bæði í formi gagnasöfnunar og útpungunar!

Í gær tókum við skötuhjúin okkur til og fórum í smá hreiðurgerð. Ég raðaði krúttlegum fötum í skiptikommóðu og strauk þeim mikið á meðan því stóð. Síðan festum við hilluna á borðið svo að núna er hægt að skipta um bleyju ef svo ber undir. Sveinbjörn setti saman eitt stykki fataskáp svo að við höfum pláss undir aukameðlim sem kemur væntanlega til með að eiga fleiri föt en við bæði til samans. Svo gerðum við langþráða hreingerninu, skúruðum, skrúbbuðum og bónuðum. Það var afskaplega notaleg tilfinning og mér leið svo miklu betur á eftir. Við tókum líka svefnherbergið okkar í gegn svo að núna fer allt að vera tilbúið fyrir komu krónprinsins. Núna eigum við bara eftir að græja rúmið og kaupa nokkra smáhluti og þá er þetta bara allt komið! Það er voða gott að vera búin að þessu þar sem ég hugsa að við höfum ekki tíma til að gera þetta þegar nær dregur.

Eva ritgerðarfélagi var síðan svo almennileg að lána mér seríu 2 og 3 af 24 og því þarf ég að beita mig hörðu til að ná að lesa það sem ég ætla að lesa um helgina! En ég hef alltaf verið þekkt fyrir að vera nagli svo að ég efast ekkert um staðfestu mína!

Bergur og Bjöggi eru annars töffarar helgarinnar. Áður en þessar elskur skelltu sér í æfingabúðir til Spánar redduðu þeir Kólus páskaeggi handa okkur skötuhjúunum. Ég bíð því ansi spennt eftir að sunnudagurinn renni upp svo að ég get smakkað þetta laumu páskaegg sem ekki er hægt að fá nema með óhefðbundnum aðferðum. Ég er búin að reyna að sannfæra Sveinbjörn um að leyfa mér að smakka það en hann er harður strákurinn og segir að ég megi ekki nálgast það fyrr en á sunnudaginn! En mikið hlakka ég til…

En ég ætla að lesa eins og eina grein og sannfæra Sveinbjörn svo um að horfa á 24 með mér

Góða helgi